Selasa, 3 April 2012

Astaghfirullah al a'zim...LGT!

Apo kobar semuo? Omak dah lamo tak ke udaro (oops..macam DJ radio pulak bunyi nyo). Maksud omak,dah lamo tak online...sibuk dongan anak cucu dan hal ehwal wanita kampung. Maklumlah..omak dah masuk kategori orang lamo..apo orang sekarang panggil...Hah.... Otai! Omak jadi pakar rujuk hal-hal wanita kek kampung..dari tukang urut sampailah jadi ketuo tukang masak kek kenduri kawin..Banyak jugak masyuuuknyo! Tak apolah..itu semuo omak anggap amal jariah jo..mudah-mudahan Tuhan ampunkan doso-doso omak sekuargo di akhirat dan omak dimasukkan ke syurgo bersamo para nabi semuo....Amin.

Kali ini omak nak cito pasal LGT..Bukan namo anak cino Lim Guan...tu! Ini pasal ramai anak bangso seagamo kito yang dah jadi kaum Nabi Lut..Astaghfirullah...Mengucap panjang omak bilo  dongar kesah anak mudo kampung omak ado yang orang kampung jumpo kek Soromban buek kojo maksiat..jual ...malulah omak nak sobut,tapi terpakso jugalah demi agamo, bangso dan negaro...JUAL BONTOT! Jadi PONDAN! Omak yang takdo kono mengono darah daging dengan dio pun malu nak mengaku sekampung! Astaghfirullah al a'zim...

Cuti sekolah tahun lopeh, omak poei rumah Si Milah, anak omak kek KL tu. Milah tu duduk rumah flet jo..Laki dio drebar..Omak poei sorang-sorang jo..Abah kau tak ikut pasal dio ado hobi gilo baru..gilo mancing..Setakat gilo mancing omak tak risau doh...poeilah mano ceruk, omak tak marah..Jangan gilo kek jando sudah..omak pun ado hati dan perasaan jugak...Lagipun segalo keperluan batin nyo omak terdayo laei puaskan..cumo caro lamalah, pesen baru omak tak handa, tapi omak sedio belaja..demi kasih saya omak kek abah kau!

Oh ya, berbalik pado cito kek KL tu, omak  perasan ado budak-budak mudo kek situ jalan berduo sesamo jantina...lelaki dongan lelaki, pompuan dongan kawan pompuannyo..Biasolah...Tapi omak musykil bilo rapek bonar mereko, sambil pogang-pogang tangan..macam  orang bercinto. Lamo jugak omak perhatikan perangai dio..Lamo-lamo omak jadi goli-goloman tengok...Omak torus naik lif masuk rumah. Omak cito dengan Milah.Milah ketawo tergolak-golak.Omak tanyo kenapo ekau cam orang gilo ketawo? Apo kelakarnyo cito omak ni? Gilo apo budak Milah ni! Milah kato biasolah mak...Ini KL. Yang omak nampak tu Pengkid. Betino dongan betino. Diorang bercinto.Yang jantan tu pulak.Gay...jantan suko jantan..
Apo? Ekau golak bosar? Sepatutnyo ekau mengucap panjang! Ini balo. Balo bosar.Kaum Nabi Lut! Dilaknat Allah...Astaghfirullah al a'zim...Kalau turun balo, bukan mereko sajo yang terkono, dongan kito-kito sekali OUT!


 Kato Milah, apo kito boleh buek,omak? Jabatan Ugamo pundah ambil tindakan tapi bondo camtu ado laie.
Astaghfirullah al a'zim...Inilah jadinyo bilo agamo dibuang, perangai haram jadah omputeh jadi ikutan. Omak harap dapeklah kerajaan Islam berkuaso memerintah. Biar habis semua punco maksiat kito perangi sampai semuo orang Islam kembali kopado agamo suci Islam. Harap-harap semuo anak cucu omak jadi umat Islam yang taat perintah Allah dan RasulNya. Takut omak dengan duniyo akhir zaman ni. Astaghfirullah al a'zim...Goli-geloman omak!

Tiada ulasan:

Catat Ulasan